Psoriasis

சோரியாசிஸ் என்பது தோலில் சிவந்த செதில் போன்ற திட்டுக்களை தோற்றுவிக்கும் ஒரு தோல் நோயாகும். இது யாருக்கும் பரவாது. தோல் மற்றும் மூட்டுகளை பாதிக்கும். நாட்பட்ட நிலையில் சரவாங்கி வாதத்தை உருவாக்கும்.

நம் இந்தியாவில் மட்டும் 60 முதல் 70 லட்சம் பேர் இதனால் பாதிக்கப்பட்டுள்ளனர். இந்த நோயைப் பற்றியும் இதற்கான தீர்வைப் பற்றியும் பொள்ளாச்சி ஆனைமலை ரோடு சித்தா ஸ்கின் கேர் சென்டர் மருத்துவர் டாக்டர்.மாரிராஜ் BSMS அவர்கள் கூறியதாவது:-

சோரியாசிஸ் என்பது மூலிகை மருத்துவமான பாரம்பரிய சித்த மருத்துவத்தில் காளாஞ்சகப்படை என்றும் காளஞ்சக வாதம் என்றும் அழைக்கப்படுகிறது.

இது தலையில் பொடுகு போல் வருவது, உடல் முழுவதும் புள்ளி புள்ளியாக வருவது, நகத்தில் வருவது, உள்ளங்கை உள்ளங்காலில் வெடிப்பு வெடிப்பாக வருவது என பல வகைப்படும்.

இது ஒரு Auto Immune Disorder ஆகும். தன் உடல் தன்னையே பாதிக்கும் ஒரு நோயாகும். நம்முடைய நோய் எதிர்ப்பு சக்தியானது நமது தோலையே ஒரு கிருமி போல பாவித்து அதை அதிகப்படியாக வெளியேற்றுகிறது. இப்படி அதிகமாக தோல் வளர்ந்து உதிர்வதால் மேலும் மேலும் படிந்து ஒரு அடுக்கு போல் உருவாகிறது.

சாதாரணமாக நமக்கு 28 நாட்களுக்கு ஒரு முறை தோல் உதிர்ந்து புதியதாக முளைக்கும். ஆனால் சோரியாசிஸில் மூன்று முதல் ஐந்து நாட்களுக்கு ஒரு முறை தோல் உதிர்ந்து மீண்டும் மீண்டும் வளர்வதால் தோலின் மேல் ஒரு படலம் போல் உருவாகும்.

தன் உடலையே தாக்கும் இந்த அதிகரித்த நோய் எதிர்ப்பு சக்தியை குறைக்க நவீன மருத்துவத்தில் மருந்துகள் வழங்கப்படுகிறது. இதற்கு புற்றுநோய்க்கான மருந்துகளை வாரத்திற்கு ஒரு முறை வழங்குகின்றனர். ஸ்டீராய்டு மருந்துகளையும் வழங்குகின்றனர்.

சோரியாசிஸ் நோயால் ஏற்படும் பாதிப்புகளை விட அதற்காக உட்கொள்ளும் மருந்துகளின் பக்க விளைவுகளால் ஏற்படும் பாதிப்பே மிக அதிகம். இவ்வாறு அதிக பக்கவிளைவுகளை கொண்ட மருந்துகளை தொடர்ந்து எடுத்துக் கொண்டாலும் திரும்பத் திரும்ப வருவது இந்த நோயின் இயல்பாகும்.

நமது மூலிகை மருத்துவத்தில் நோய் எதிர்ப்பு சக்தியை குறைக்கக் கூடிய மருந்துகள், ஸ்டீராய்டு மருந்துகள் கிடையாது. ஆனால் நோய் எதிர்ப்பு சக்தியை சரியான முறையில் திருப்பிவிடும் Immuno Modulator மருந்துகள் உள்ளன.

பழங்காலத்தில் தோல் நோய்களுக்கும் இதுபோல் Auto Immune Disorderகளுக்கும் மூலிகை எண்ணெயை மருந்தாகக் குடிக்கும் பழக்கத்தை ஏற்படுத்தி வைத்திருந்தனர். மேலும் மூலிகைக் கரியினை பாதிக்கப்பட்ட சருமத்தில் பூசுதல், மூலிகைப் புகையில் உட்காரவைத்தல் ஆகிய முறைகளில் தோல் நோய்களுக்கு முற்றிலுமாக தீர்வு சொல்லியுள்ளனர்.

இந்த மருத்துவத்தை திரும்ப பழையபடி கொண்டு வந்து குடிக்கும் எண்ணெய் வகைகள், மூலிகைக் கரி பூசுதல், ஆளுயரக் குழிக்குள் தலை மட்டும் வெளி தெரியும்படி மூலிகைப் புகையில் உட்காரவைத்தல் ஆகிய சிகிச்சைகள் மூலம் சோரியாசிஸ் நோயை முற்றிலும் திரும்ப வராமல் செய்வதற்கு வழிவகை செய்கிறோம். மேலும் தோலில் ஏற்படும் கரப்பான், படை, கரும்படை, கரும்புள்ளி, வெண்புள்ளி,பருக்கள், வேனல் கட்டிகள் ஆகிய தோல் நோய்களுக்கும் சிகிச்சை வழங்கப்படுகிறது.

சோரியாசிஸ் நோயை முழுவதுமாக குணப்படுத்த சித்தா ஸ்கின் கேர் சென்டர் தலைமை மருத்துவர் டாக்டர்.பா.மாரிராஜ் அவர்களின் சிகிச்சையை பெற நேரில் ஆலோசனை மற்றும் சிகிச்சை வழங்கப்படுகிறது.